Ég varð lasinn í hálsinum og hélt að ég væri kominn með verðbólgu. En svo fór ég til læknis og hann sagði mér að þetta væri hálsbólga. Hann útskýrði fyrir mér hvað verðbólga væri en það er dálítið flókið að útskýra það. En þegar eitthvað stækkar er stundum sagt að það bólgni. Ef verð hækkar er það kallað verðbólga. Ef tyggjókúlan sem kostar tíkall núna kostar tólf krónur á næsta ári, þá er það kannski vegna þess að það er verðbólga.