Maggi mjói á verðbréf sem afi hans gaf honum. Hann sagði Magga mjóa að verðbréfin væru eiginlega ávísun á verðmæti. Sumir kaupa verðbréf til að ávaxta peningana sína.

Það eru til margar tegundir af verðbréfum og þau eru gefin út af fyrirtækjum, bönkum, verðbréfasjóðum og ríkissjóði. Svo eru líka til hlutabréf sem eru gefin út af fyrirtækjum. Sá sem kaupir hlutabréf eignast hlut í fyrirtækinu. Ef fyrirtækið gengur vel hækkar verðgildi hlutabréfanna, en ef reksturinn gengur illa lækkar verðgildið.