Ef Goggi mega hefði lagt vasapeningana sína inn á bankabók þá væri hann búinn að safna sér fyrir megagræjunum sem hann langar svo í. Einu sinni lagði hann peninga sem hann fékk í afmælisgjöf inn í bankann, en hann var svo óþolinmóður að hann gat alls ekki beðið eftir því að fá vexti af þeim. Þess vegna tók hann þá strax út aftur.

Goggi mega tók vaxtarkipp og óx og hann hélt að hann væri kominn með vexti. En nú  veit Goggi mega að vextir eru það sem maður fær borgað fyrir að geyma peninga í bankanum og líka það sem maður borgar bankanum ef hann lánar manni peninga. Vextir eru eins og leiga og þeir fara eftir því hvað maður er lengi með peningana í láni eða hvað maður geymir þá lengi í bankanum.